ಸಪ್ತ ಸಾಗರದಾಚೆ ಎಲ್ಲೋ ಈಗ ತೆಲಗು ಸಿನಿ ಪ್ರಿಯರನ್ನು ರಂಜಿಸಲು ಸಪ್ತ ಸಾಗರ ದಾಟಿ ಯಾಗಿ ಬಿಡುಗಡೆಯಾಗುತ್ತಿದೆ

ಕನ್ನಡದ ಹೆಸರಾಂತ ಹೀರೋ ರಕ್ಷಿತ್ ಶೆಟ್ಟಿ ನಾಯಕನಾಗಿ ನಟಿಸಿರುವ, ಸಪ್ತ ಸಾಗರದಾಚೆ ಎಲ್ಲೋ (Sapta Sagaradache ello) ಚಿತ್ರವನ್ನು ಪುಷ್ಕರ್ ಫಿಲಂಸ್ ನಿರ್ಮಿಸಿದೆ. ಇಲ್ಲಿ ಸೂಪರ್ ಹಿಟ್ ಆದ ಈ ಚಿತ್ರ ಶುಕ್ರವಾರ ಪೀಪಲ್ ಮೀಡಿಯಾ ಫ್ಯಾಕ್ಟರಿ (People Media Factory) ವತಿಯಿಂದ ‘ಸಪ್ತ ಸಾಗರ ದಾಟಿ’ಯಾಗಿ ಬಿಡುಗಡೆಯಾಗುತ್ತಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ರಕ್ಷಿತ್ ಶೆಟ್ಟಿ, ‘ನಿರ್ದೇಶಕ ಹೇಮಂತ್ ಜೊತೆ ಇದು ನನ್ನ ಎರಡನೇ ಸಿನಿಮಾ. ಮೊದಲ ಸಿನಿಮಾದ ನಂತರ ತಕ್ಷಣವೇ ಇನ್ನೊಂದು ಸಿನಿಮಾ ಮಾಡಬೇಕು ಎಂದುಕೊಂಡೆವು.

ಆದರೆ ನಂತರ ಶ್ರೀಮನ್ನಾರಾಯಣ, ಚಾರ್ಲಿ ಚಿತ್ರಗಳಲ್ಲಿ ಬ್ಯುಸಿಯಾದೆ. ಒಳ್ಳೆ ಲವ್ ಸ್ಟೋರಿ ಮಾಡ್ಬೇಕು ಅಂತ ಇದ್ದಾಗ ಹೇಮಂತ್ ಈ ಕಥೆ ಹೇಳಿದ್ರು. ಅವರು ಈ ಕಥೆಯನ್ನು ಬಹಳ ಕಾವ್ಯಾತ್ಮಕವಾಗಿ ಮತ್ತು ಸುಂದರವಾಗಿ ಮಾಡಿದ್ದಾರೆ. ಭಾವನೆಗಳೊಂದಿಗೆ ಆಹ್ಲಾದಕರ ಪ್ರೇಮಕಥೆ. ಸಿನಿಮಾಟೋಗ್ರಫಿ, ಮ್ಯೂಸಿಕ್ ಜೊತೆಗೆ ಕಥೆಯಲ್ಲಿ ತಲ್ಲೀನಗೊಳಿಸುವ ಧ್ವನಿ ವಿನ್ಯಾಸ ಹೈಲೈಟ್ ಆಗಲಿದೆ.

ಶೂಟಿಂಗ್ ವೇಳೆ ನಾಯಕ-ನಾಯಕಿ ಪಾತ್ರಗಳ ನಡುವಿನ ಕೆಮಿಸ್ಟ್ರಿ ನೋಡಿ ಎರಡು ಭಾಗ ಮಾಡೋಣ ಅಂದರು ಹೇಮಂತ್. ಮೊದಮೊದಲು ಸ್ವಲ್ಪ ಆತಂಕವಿದ್ದರೂ ಕಥೆ ಮತ್ತು ಅವರ ದೃಷ್ಟಿಯಲ್ಲಿ ನಂಬಿಕೆಯಿಟ್ಟು ಒಪ್ಪಿಕೊಂಡೆ. ಚಿತ್ರೀಕರಣದ ನಂತರ, ಎಡಿಟಿಂಗ್ ಟೇಬಲ್ ನೋಡಿದಾಗ, ಅದನ್ನು ಎರಡು ಭಾಗಗಳಲ್ಲಿ ಹೇಳುವ ಅವರ ಆಲೋಚನೆ ಸರಿಯಾಗಿದೆ.

ಭಾಗ 1 ಮತ್ತು ಭಾಗ 2 ಬದಲಿಗೆ, ನಾವು ಹಿಂದೆ ಕ್ಯಾಸೆಟ್‌ಗಳಲ್ಲಿ ಇದ್ದಂತೆ ಸೈಡ್ ಎ ಮತ್ತು ಸೈಡ್ ಬಿ ಎಂದು ಹೆಸರಿಸಲು ಬಯಸಿದ್ದೇವೆ. ಸದ್ಯ ರಕ್ಷಿತ್ ಶೆಟ್ಟಿ ನಾಲ್ಕು ಪ್ರಾಜೆಕ್ಟ್‌ಗಳಲ್ಲಿ ಬ್ಯುಸಿಯಾಗಿದ್ದಾರೆ.

ಚಿತ್ರ ಕನ್ನಡದಲ್ಲಿ ಹೆಸರು ಮಾಡಿದ ಹಾಗೆ ತೆಲುಗಿನಲ್ಲಿ ಸೂಪರ್ ಹಿಟ್ ಮಾಡಲು ಚಿತ್ರ ತಂಡ ನಿರ್ಧರಿಸಿದೆ .