ಈ ಸರ್ಕಾರಿ ಯೋಜನೆಯಲ್ಲಿ ತಿಂಗಳಿಗೆ ರೂ 36 ರನ್ನು ಹೂಡಿಕೆ ಮಾಡಿ ರೂ 2 ಲಕ್ಷಗಳ ಲಾಭ ಗಳಿಸಿ

ಪ್ರಧಾನ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ:

ದೇಶದಲ್ಲಿ ಆರ್ಥಿಕವಾಗಿ ದುರ್ಬಲ ವರ್ಗಗಳ ಸಂಖ್ಯೆ ತುಂಬಾ ಹೆಚ್ಚಾಗಿದೆ. ಈ ಜನರು ಜೀವನದಲ್ಲಿ ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಇದನ್ನು ಗಮನದಲ್ಲಿಟ್ಟುಕೊಂಡು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಹಲವು ಯೋಜನೆಗಳನ್ನು (Govt scheams) ಜಾರಿಗೆ ತರುತ್ತಿವೆ. ಇದರಲ್ಲಿ ಇಂದು ನಾವು ನಿಮಗೆ ಭಾರತ ಸರ್ಕಾರದ ಒಂದು ಅದ್ಭುತವಾದ ಯೋಜನೆಯ ಬಗ್ಗೆ ಹೇಳಲಿದ್ದೇವೆ.

ಸರ್ಕಾರದ ಈ ಯೋಜನೆಯ ಹೆಸರು ಪ್ರಧಾನ ಮಂತ್ರಿ ಜೀವನ ಜ್ಯೋತಿ ಬಿಮಾ ಯೋಜನೆ(Pradhan Mantri Jeevan Jyoti Bima Yojana). ಭಾರತ ಸರ್ಕಾರವು ಜೀವನ್ ಜ್ಯೋತಿ ಬಿಮಾ ಯೋಜನೆಯ ಮೂಲಕ ದೇಶದ ಬಡ ಜನರನ್ನು ಜೀವ ವಿಮಾ ರಕ್ಷಣೆಯೊಂದಿಗೆ (Life insurance) ಸಂಪರ್ಕಿಸಲು ಬಯಸುತ್ತದೆ.

ಭಾರತ ಸರ್ಕಾರ ಈ ಯೋಜನೆಯನ್ನು 2015 ರಲ್ಲಿ ಪ್ರಾರಂಭಿಸಿತು. ಈ ವಿಮಾ ರಕ್ಷಣೆ ಯೋಜನೆಯಡಿ, ಅನಾರೋಗ್ಯ ಅಥವಾ ಅಪಘಾತದಿಂದ ವ್ಯಕ್ತಿಯೊಬ್ಬರು ಮರಣ ಹೊಂದಿದಲ್ಲಿ, ನಾಮಿನಿಗೆ ರೂ.2 ಲಕ್ಷದ ವಿಮಾ ರಕ್ಷಣೆಯನ್ನು ಒದಗಿಸಲಾಗುತ್ತದೆ.

ಪ್ರಧಾನ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ ಪಡೆಯಲು ನೀವು ವಾರ್ಷಿಕ ಪ್ರೀಮಿಯಂ ರೂ 436 ಪಾವತಿಸಬೇಕು. ಅಂದರೆ ನೀವು ತಿಂಗಳಿಗೆ ಸುಮಾರು ರೂ 36 ಉಳಿಸಬೇಕು ಮತ್ತು ವಾರ್ಷಿಕವಾಗಿ ರೂ 436 ಪ್ರೀಮಿಯಂ ಮೊತ್ತವನ್ನು ಠೇವಣಿ (Deposit) ಮಾಡಬೇಕು.

ಈ ಮೊತ್ತದ ಪ್ರೀಮಿಯಂ ಸ್ವಯಂಚಾಲಿತವಾಗಿ ಬ್ಯಾಂಕ್ ಖಾತೆಯಿಂದ (Bank account) ಮೇ 25 ರಿಂದ ಮೇ 31 ರ ನಡುವೆ ಕಡಿತಗೊಳ್ಳುತ್ತದೆ . ಪ್ರಧಾನ ಮಂತ್ರಿ ಜೀವನ ಜ್ಯೋತಿ ಬಿಮಾ ಯೋಜನೆಯ ಅವಧಿಯು ಜೂನ್ 1 ರಿಂದ ಮೇ 31 ರವರೆಗೆ ಇರುತ್ತದೆ.

18 ರಿಂದ 50 ವರ್ಷದೊಳಗಿನ ವ್ಯಕ್ತಿಗಳು ಈ ಯೋಜನೆಯ ಪ್ರಯೋಜನವನ್ನು ಪಡೆಯಬಹುದು. ಈ ಯೋಜನೆಯನ್ನು ಪಡೆಯಲು ನೀವು ಬ್ಯಾಂಕ್ ಖಾತೆಯನ್ನು ಹೊಂದಿರಬೇಕು. ಈ ಯೋಜನೆಯ ವಿಶೇಷತೆಯೆಂದರೆ ನೀವು ಯಾವುದೇ ರೀತಿಯ ವೈದ್ಯಕೀಯ ಪರೀಕ್ಷೆಗೆ ಒಳಗಾಗಬೇಕಾಗಿಲ್ಲ. ಈ ಯೋಜನೆಗೆ ಅರ್ಜಿ ಸಲ್ಲಿಸಲು, ನೀವು ಆಧಾರ್ ಕಾರ್ಡ್, ಗುರುತಿನ ಚೀಟಿ, ಬ್ಯಾಂಕ್ ಖಾತೆಯ ಪಾಸ್‌ಬುಕ್, ಮೊಬೈಲ್ ಸಂಖ್ಯೆ, ಪಾಸ್‌ಪೋರ್ಟ್ ಗಾತ್ರದ ಫೋಟೋ ಮುಂತಾದ ದಾಖಲೆಗಳನ್ನು ಹೊಂದಿರಬೇಕು.