ಭಾರತದ ಶ್ರೀಮಂತ ಹಾಸ್ಯನಟ ಎಂಬ ದಾಖಲೆ ನಿರ್ಮಿಸಿರುವ ಈ ನಟನ ಒಟ್ಟು ಆಸ್ತಿ ಎಷ್ಟು ಗೊತ್ತಾ ?

ಪ್ರಖ್ಯಾತ ನಗುಮೊಗದ ನಟ ಬ್ರಹ್ಮಾನಂದಂ (Brahmanandam) ಈ ಹೆಸರಿಗೆ ಹೊಸ ಪರಿಚಯ ಬೇಕಿಲ್ಲ. ತನ್ನ ಹಾಸ್ಯದ (Comedy) ಮೂಲಕ ಲಕ್ಷಾಂತರ ಜನರನ್ನು ನಗಿಸಿದ ಪ್ರಸಿದ್ಧ ಹಾಸ್ಯನಟ. ನಟಿಸಿದರೆ ಮಾತ್ರ  ಅಲ್ಲ ಕಂಡರೆ ನಗುವವರೇ ಹೆಚ್ಚು. ಆದರೆ ಹಲವರಿಗೆ ಇವರನ್ನು ಒಬ್ಬ ಮಹಾನ್ ಹಾಸ್ಯನಟ ಎಂದು ಮಾತ್ರ ತಿಳಿದಿದೆ ಆದರೆ ಅವರು ಭಾರತದ ಅತ್ಯಂತ ಶ್ರೀಮಂತ ಹಾಸ್ಯನಟ ಎಂದು ಎಷ್ಟು ಜನರಿಗೆ ತಿಳಿದಿದೆ? ಹೌದು ನೀವು ಓದಿದ್ದು ಸರಿ. ಬ್ರಹ್ಮಾನಂದಂ ಭಾರತದ ಶ್ರೀಮಂತ ಹಾಸ್ಯನಟ (India’s richest comedian) ಎಂಬ ದಾಖಲೆ ನಿರ್ಮಿಸಿದ್ದಾರೆ. ಬ್ರಹ್ಮಾನಂದಂ ಅವರು ತಮ್ಮ 35 ವರ್ಷಗಳ ಚಿತ್ರರಂಗದಲ್ಲಿ 1000 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ ಮತ್ತು ಇಂದಿಗೂ ಕಾಮಿಡಿ ರಾಜನಾಗಿ ಮುಂದುವರೆದಿದ್ದಾರೆ.

ಸ್ಟಾರ್ ಹೀರೋ ರೇಂಜ್ ನಲ್ಲಿ ಕಾಮಿಡಿಯನ್ ಗಳಿಸಬಹುದೇ? ಎಂಬ ಪ್ರಶ್ನೆಗೆ ಅವರೇ ಉತ್ತರ. ನಿನ್ನೆಯವರೆಗೆ, ಬಾಲಿವುಡ್ (Bollywood) ಹಾಸ್ಯನಟ ಕಪಿಲ್ ಶರ್ಮಾ ಮತ್ತು ಭಾರತಿ ಸಿಂಗ್  ಭಾರತದ ಶ್ರೀಮಂತ ಹಾಸ್ಯನಟರು. ಈಗ ಬ್ರಹ್ಮಾನಂದಂ ಅವರಿಬ್ಬರನ್ನೂ ಮೀರಿಸಿ ಮೊದಲ ಸ್ಥಾನದಲ್ಲಿ ನಿಂತಿದ್ದಾರೆ. ಅವರ ಮಾಸಿಕ ಆದಾಯ ರೂ. 2 ಕೋಟಿಗೂ ಹೆಚ್ಚು. ಬರೀ ಸಿನಿಮಾಗಳಿಂದಲ್ಲ. ಬ್ರ್ಯಾಂಡ್ ಎಂಡಾರ್ಸ್ ಮೆಂಟ್ ಮೂಲಕವೂ ಬ್ರಾಹ್ಮಿ ಉತ್ತಮಗಳಿಕೆ ಮಾಡುತ್ತಿದ್ದಾರೆ. ಪ್ರತಿ ಅನುಮೋದನೆಗೆ ಒಂದು ಕೋಟಿಯಿಂದ ಎರಡು ಕೋಟಿ ತೆಗೆದುಕೊಳ್ಳುತ್ತಿದ್ದಾರೆ. ಇದರಿಂದಾಗಿ ಅವರ ಒಟ್ಟು ನಿವ್ವಳ ಮೌಲ್ಯ ಸುಮಾರು ರೂ. 490 ಕೋಟಿ ತಲುಪಿದೆ ಎಂದು ವರದಿಯಾಗಿದೆ.

ಅಷ್ಟೇ ಅಲ್ಲ ಜೀವಂತ ನಟರಲ್ಲೇ ಅತಿ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ ನಟ ಎಂಬ ಗಿನ್ನಿಸ್ ದಾಖಲೆಯನ್ನೂ ಬ್ರಹ್ಮಾನಂದಂ ಸೃಷ್ಟಿಸಿದ್ದಾರೆ. ಇದರ ಭಾಗವಾಗಿ, ಅವರು ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ 2029 ರಲ್ಲಿ ಪದ್ಮಶ್ರೀ (Padma Shri) ಪಡೆದರು. ಸಾಮಾನ್ಯ ಕಾಲೇಜು ಉಪನ್ಯಾಸಕರಾಗಿ ವೃತ್ತಿ ಜೀವನ ಆರಂಭಿಸಿದ ಬ್ರಹ್ಮಾನಂದಂ, ಈಗ ಭಾರತದ ಶ್ರೀಮಂತ ಹಾಸ್ಯನಟ ಎಂಬ ದಾಖಲೆ ಸೃಷ್ಟಿಸಿದ್ದಾರೆ.