ಹೊಸ Hero Maverick 440 ಬಿಡುಗಡೆಗೆ ಸಿದ್ದವಾಗಿದ್ದು, ರಾಯಲ್ ಎನ್‌ಫೀಲ್ಡ್ ಬುಲೆಟ್ ಗೆ ಪ್ರತಿಸ್ಪರ್ದಿಯಾಗಲಿದೆ

ಭಾರತದ ಪ್ರಮುಖ ಮೋಟಾರ್‌ಸೈಕಲ್ ತಯಾರಕ ಹೀರೋ ಮೋಟೋಕಾರ್ಪ್ (Hero motocorp) ತಮ್ಮ ಹೊಸ ಬೈಕ್ ಹೀರೋ ಮೇವರಿಕ್ 440 ಅನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಈ ಬೈಕ್ ಭಾರತೀಯ ಮಾರುಕಟ್ಟೆಯಲ್ಲಿ ಸಾಕಷ್ಟು ಸಂಚಲನ ಮೂಡಿಸುವ ನಿರೀಕ್ಷೆಯಿದೆ.

ಹೀರೋ ಮೇವರಿಕ್ 440 (Hero Maverick 440),  440 ಸಿಸಿ ಸಿಂಗಲ್ ಸಿಲಿಂಡರ್ ಬೈಕ್ ಆಗಿದೆ. ಈ ಬೈಕ್ Harley-Davidson X440 ಅನ್ನು ಆಧರಿಸಿದೆ. ಬೈಕ್ ಸ್ಪೋರ್ಟ್ಸ್-ಕ್ರೂಸರ್ ವಿನ್ಯಾಸವನ್ನು ಹೊಂದಿದೆ. ಇದು ಸ್ಪ್ಲಿಟ್ ಸೀಟ್, ಎತ್ತರದ ಹ್ಯಾಂಡಲ್‌ಬಾರ್ ಮತ್ತು ಚಿಕ್ಕ ಟೈಲ್‌ಗಾರ್ಡ್ ಅನ್ನು ಹೊಂದಿದೆ.

ಬೈಕ್ 47.74 ಬಿಎಚ್‌ಪಿ ಪವರ್ ಮತ್ತು 42.2 ನ್ಯೂಟನ್ ಮೀಟರ್ ಟಾರ್ಕ್ ಉತ್ಪಾದಿಸಬಲ್ಲ ಶಕ್ತಿಶಾಲಿ ಎಂಜಿನ್ ಹೊಂದಿದೆ. ಇದು ಆರು-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಜೋಡಿಸಲ್ಪಟ್ಟಿದೆ. ಹೀರೋ ಮೇವರಿಕ್ 440 ಬಿಡುಗಡೆಯ ದಿನಾಂಕವನ್ನು ಇನ್ನೂ ಘೋಷಿಸಲಾಗಿಲ್ಲ. ಆದ, ಇದು ಈ ವರ್ಷದ ಫೆಬ್ರವರಿಯಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಬೈಕಿನ ಆರಂಭಿಕ ಬೆಲೆ 2,00,000 ರೂಪಾಯಿ ಎಂದು ಅಂದಾಜಿಸಲಾಗಿದೆ.

ಹೀರೋ ಮೇವರಿಕ್ 440 ವಿವಿಧ ರೀತಿಯ ರೈಡಿಂಗ್‌ಗೆ ಸೂಕ್ತವಾದ ಬಹುಮುಖ ಬೈಕ್ ಆಗಲಿದೆ.  ಹೀರೋ ಕಂಪನಿಯ ಈ ಬೈಕ್ ಅನ್ನು ಯಾವುದೇ ವಯಸ್ಸಿನವರು ಸುಲಭವಾಗಿ ಓಡಿಸಬಹುದು. ಈ ಬೈಕು ನಗರದ ಬೀದಿಗಳಲ್ಲಿ ಸವಾರಿ ಮಾಡಲು ಸಾಕಷ್ಟು ಆರಾಮದಾಯಕವಾಗಿದೆ ಮತ್ತು ಬೈಪಾಸ್ ಅಥವಾ ಹೆದ್ದಾರಿಗಳಲ್ಲಿ ಸವಾರಿ ಮಾಡುವಷ್ಟು ಶಕ್ತಿಯುತವಾಗಿದೆ.

ಈ ಬೈಕ್ ಭಾರತೀಯ ಮಾರುಕಟ್ಟೆಯಲ್ಲಿ ಜನಪ್ರಿಯ ಆಯ್ಕೆಯಾಗುವ ನಿರೀಕ್ಷೆಯಿದೆ. ಹೀರೋ ಮೇವರಿಕ್ 440 ಭಾರತೀಯ ಮಾರುಕಟ್ಟೆಯಲ್ಲಿ ಹಲವಾರು ಜನಪ್ರಿಯ ಬೈಕ್‌ಗಳೊಂದಿಗೆ ಸ್ಪರ್ಧಿಸಲಿದೆ. ಇವುಗಳಲ್ಲಿ ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350, ಹಾರ್ಲೆ-ಡೇವಿಡ್‌ಸನ್ ಸ್ಟ್ರೈಡರ್ 400 ಮತ್ತು ಬಜಾಜ್ ಡೊಮಿನಾಟ್ರಿಕ್ಸ್ 400 ಸೇರಿವೆ.